Bistroholic (Closed)

約咗幾個朋友喺銅鑼灣食飯，唔知食咩好就諗住嚟呢幢大廈搵食！見到樓下有呢間餐廳個牌就上咗去試吓，呢度係食意大利野加少少fusion菜，環境幾好，佈置都幾靚，幾啱拍拖或者一班女仔嚟影相打卡食野！大家放工之後都好肚餓就急不及待叫嘢食！第一個嚟嘅係煙薰松板肉沙律，聽過侍應講話呢道菜係模仿以前啲豬搵黑松露嘅感覺！雖然佢話煙燻但我就冇諗過佢會係我哋面前打開，感覺又靚又新鮮！同埋味道都係真心好，好香煙薰味！我最鍾意佢加埋啲風乾水果，有咬口得嚟又健康！跟住嚟咗兩個小食一個係釀雞翼，不得了，外脆內嫩，我地勁快清晒！另外一個脆棒都好好食！主菜我地要左一個海膽醬意大利飯，勁正！feel到佢真係落咗好多海膽同埋海膽都好新鮮，所以成個飯都好Creamy ！帶子都好好味，無諗過日本食材可以咁樣整！我哋仲要左個辣椒海鮮意大利粉，本身都勁會太辣食唔到但點知原來勁惹味，而且佢啲意大利粉煮得岩岩好，煙韌得嚟唔會痴住哂！最尾叫左個甜品，本身見到個樣好似唔係好吸引咁，但點知真心好食，果然人不可貌相，超級香咖啡味！總結，環境幾舒服，野食都好味，可以嚟舒服HEA下！