Video
Read full review
2021-08-13
96 views
好耐無試過同同事放工之後，搵個地方chill吓，講吓是非野，呻吓d無聊野！難得今日同事興起，放工帶咗我去佢最近幾心儀嘅酒吧 - 雪吧🍺呢間樓上酒吧嘅空間幾闊落，座位又坐得舒服，員工好有禮貌，播嘅歌都未算太嘈，咁傾計就唔洗傾到嗌交咁大聲🤭 最緊要係呢度無好濁嘅煙酒味，環境好掂👍🏻咁睇番佢地note，星期四至六，7點-10點有🎸live band 🥁當然，各位K歌之王有興趣，都可以上台一展歌喉🎤 無需費用架另外，酒吧仲有飛鏢機，等各位飛鏢高手可以切磋切磋啦仲有，作為酒吧，呢度都有提供各款唔同口味嘅水煙，有興趣嘅朋友都可以chill下架到野食野飲方面表現如何呢🧐Cocktail - Snow White🍸：飲落唔算酒精太濃，加咗橙汁比較易入口，啱晒唔太鐘意重酒精嘅朋友小食：- 燒秋葵食落都幾爽口- 熱熱地嘅日式雞泡魚乾，送啤酒真係一流，又好食，又有咬口(識食一定要熱熱地食)- 原條茄子，燒完之後灑咗辣粉喺面，食落辣辣地幾惹味，食到茄子肉又甜甜地，正😋主食 ：- 意大利辣肉腸pizza🍕，餅底好鬆脆，面層又足料，個size啱晒兩個人食，食完啱啱好，唔會太飽- 煙三文魚天使麵，好多煙三文魚，個天
呢間樓上酒吧嘅空間幾闊落，座位又坐得舒服，員工好有禮貌，播嘅歌都未算太嘈，咁傾計就唔洗傾到嗌交咁大聲🤭
最緊要係呢度無好濁嘅煙酒味，環境好掂👍🏻
咁睇番佢地note，
星期四至六，7點-10點有🎸live band 🥁
當然，各位K歌之王有興趣，都可以上台一展歌喉🎤 無需費用架
另外，酒吧仲有飛鏢機，等各位飛鏢高手可以切磋切磋啦
仲有，作為酒吧，呢度都有提供各款唔同口味嘅水煙，有興趣嘅朋友都可以chill下架
到野食野飲方面表現如何呢🧐
Cocktail - Snow White🍸：
飲落唔算酒精太濃，加咗橙汁比較易入口，啱晒唔太鐘意重酒精嘅朋友
小食：
- 燒秋葵食落都幾爽口
- 熱熱地嘅日式雞泡魚乾，送啤酒真係一流，又好食，又有咬口(識食一定要熱熱地食)
- 原條茄子，燒完之後灑咗辣粉喺面，食落辣辣地幾惹味，食到茄子肉又甜甜地，正😋
主食 ：
- 意大利辣肉腸pizza🍕，餅底好鬆脆，面層又足料，個size啱晒兩個人食，食完啱啱好，唔會太飽
- 煙三文魚天使麵，好多煙三文魚，個天使麵又整得彈牙，size都係唔晒兩個人，食完又唔會覺得好溜
最後仲發現到，逢星期日晚都有塔羅牌占卜環節，每個人頭消費滿250蚊，就可以加50蚊玩一次塔羅牌占卜架啦🔮
Post
