漫花燈火 OMG (Closed)

有日女友玩手機, 突然間話要去哩到打咭, 話超正!個心即刻寒一寒, 之后冷震由心裡面震出嚟.....女友係小熊維尼一級粉絲, 心諗又唔知邊到有維尼展, 又出血.....之后佢俾我睇, 原來佢D朋友去哩間叫漫花燈火嘅餐廳打咭, 佢又心思思想去....好好好!唔係去維尼展, 無問題!首先餐廳服務好細心, 係疫情爆發以嚟我第一次去餐廳要度体溫, 相信餐廳都想自己同食客幫襯得安心吧.餐廳門面設計有極強烈萬花筒感覺, 再步入餐廳, 頭頂掛滿八種顏色嘅花, 四周圍環境亦色彩繽紛.由一踏入餐廳以至坐底枱上使用嘅杯杯碟碟, 都被人一種彩到似童話感覺.帶女朋友嚟一流!喂喂喂..... 落咗單先打咭啦好嘛!點咗大啡菇二重奏, 慢煮豬鞍同黑菘露帶子意粉.沙冰係我飲品中最愛, 叫咗杯熱情果芒果橙沙冰, 荔枝芒果乳酪沙冰.好怕食粗身意粉, 眼前嚫意大利粉用上幼身款式, 但又未至於天使麵噤幼, 入口彈牙而且強烈黑菘露味, 滿意.另外帶子無切開一半偷工減料! 原粒上枱，味道鮮甜.雖然潮流興慢煮, 查實自己好少食慢煮食品, 首先豬鞍夠厚身,另外由於所落醃料唔多, 令肉味更加重, 口感極軟多汁juicy, 我中意重味,