海匯粥品

Open Now

Now Closed

妹妹放假又約佢食早餐，上網睇下邊度有得食粥，因為佢話早餐食中式嘅，健康又清腸胃。見到有間新開嘅粥店，好似唔錯，就去試下啦。佢喺東匯坊後面，第一次去都搵咗一陣。雖然地址係寫英皇道，實際其實喺鰂魚涌市政大廈對面，咁樣講會易搵啲。呢度裝修好新淨，感覺好年輕，唔會好似傳統粥舖金梅梅爛爛，而且店員都係後生仔，好有禮貌。 我哋兩個人一人一個粥，妹妹就食滑雞肉丸粥，我就食魚腩粥。魚腩粥嘅魚腩好嫩滑，唔會煮得太熟。因為有時食魚腩粥，啲魚片會鞋，但係呢度就超滑。妹妹嗰個肉丸粥我都有試，肉丸好彈牙，雞塊就 好滑。另外油器點了牛利酥，同煎堆，炸得好香脆，唔會太油膩。蝦米腸粉亦都好香蝦米味，腸粉好滑 ，食得好飽好滿足，下次可以再嚟幫襯。