火山燒 (Closed)

今日同朋友收工食飯，經開荃灣本來打算食吉列牛但見到太多人排緊，就睇下附近有冇其他野食，經過火山燒門口，望左陣餐牌見到正正常常，又見到裝修都算是是正正就入左去食。我叫左個封門柳300g，朋友叫左個牛舌石鍋飯，落單後3分鐘就上菜，心諗咁有效率咁快手，拿拿聲試下，個牛都叫正正常常，食落冇乜味，但個賣相都呃到人，但把刀就唔夠利，切得好辛苦。同朋友大家交換試食下，朋友比個兩舊牛舌我試，遞比我既時候苦笑左兩下，已經心感不妙，一食落去，喂，好似擦膠咁，咬極都咬唔開，最後大家死頂食埋佢，廢時浪費。值得一提係餐廳裝修同員工態度都尚算正常，追求食物質素既可以skip。