Video
Read full review
2014-07-30
3337 views
放假同屋企人嘆餐lunch, 試下新野。見到晉薈甘多人like, 一於去試一試。餐廳位於酒店入面，即刻高級左。入到裡面，原來得好少枱，環境都算ok. 服務態度都唔錯，雖然佢地對自己嘅餐牌好似唔夠熟悉。諗左一輪，叫左個$118 per person午餐(平日先有)。先黎前菜(醉雞+陳醋蜇頭+烤麩)。 (即刻有伏味，size超細，但既然事到如今，只好繼續食) 當中醉雞同陳醋蜇頭較出色。醉雞有好香嘅酒味，雞肉亦算嫩口。陳醋蜇頭的確幾特別，令無味嘅蜇頭變得酸酸甜甜，十分開胃。但份量實在太少！正擔心其它食物嘅份量偏細時，擔擔麵到。評論佢嘅味道之前，同大家玩個魔術- magic moment, 咩都有可能...依幅係餐牌上嘅擔擔麵。係咪好吸引先？有圖有真相，但真相總是令人難以接受。 細碗唔再多講，上面豐富嘅料去唒邊？！河馬媽媽話佢應該違反左商品説明條例！點解可以差甘遠...shocked...好，人地話人不可以貌相，試試味先。哇，味道就係陽春麵加辣粉加水，非常失望。到食點心啦，共三款點心，每款每人有兩件。 小籠包算皮薄，幾多汁，算合格。蒸素餃普普通通啦。個春卷最為特別，賽螃蟹餡令平平無奇嘅春卷帶來
放假同屋企人嘆餐lunch, 試下新野。
見到晉薈甘多人like, 一於去試一試。餐廳位於酒店入面，即刻高級左。入到裡面，原來得好少枱，環境都算ok. 服務態度都唔錯，雖然佢地對自己嘅餐牌好似唔夠熟悉。
諗左一輪，叫左個$118 per person午餐(平日先有)。
先黎前菜(醉雞+陳醋蜇頭+烤麩)。 (即刻有伏味，size超細，但既然事到如今，只好繼續食) 當中醉雞同陳醋蜇頭較出色。醉雞有好香嘅酒味，雞肉亦算嫩口。陳醋蜇頭的確幾特別，令無味嘅蜇頭變得酸酸甜甜，十分開胃。但份量實在太少！
正擔心其它食物嘅份量偏細時，擔擔麵到。評論佢嘅味道之前，同大家玩個魔術- magic moment, 咩都有可能...
依幅係餐牌上嘅擔擔麵。係咪好吸引先？
有圖有真相，但真相總是令人難以接受。 細碗唔再多講，上面豐富嘅料去唒邊？！河馬媽媽話佢應該違反左商品説明條例！點解可以差甘遠...shocked...好，人地話人不可以貌相，試試味先。哇，味道就係陽春麵加辣粉加水，非常失望。
到食點心啦，共三款點心，每款每人有兩件。 小籠包算皮薄，幾多汁，算合格。蒸素餃普普通通啦。個春卷最為特別，賽螃蟹餡令平平無奇嘅春卷帶來驚喜，加上醋，香脆嘅皮，確實值得一讚！不過食到第四件嘅時候有啲滯。
最後到甜品 - 蕃薯糖水。味道剛好, 唔會太辣。
埋單共$455， 平均每人$150，茶錢酸菜都佔左$60 (分分足夠食兩餐lunch)，唔多飽，仲要無得係popcorn免費泊車。
走嘅時候仲要發現張餐巾勁唔乾淨。
價錢同質素完全唔成正比。好過佢多多聲嘅上海餐廳大把，南小館，家傳滬曉絕對好食同抵食過佢！我一向唔鍾意俾喊臉，但今次要我俾個笑臉，咪玩啦。
Post
