甘甘好蔗 (Moved) New Location

喺旺角行街，行到好景中心附近見到有間以甘蔗為主題嘅飲品舖，店舖都有好多款嘅選擇。.揀咗signature甘蔗青茶。到手嘅時候分咗兩層，店員提醒要搖勻先飲。呢杯飲品係將新鮮嘅甘蔗搾汁同埋青茶結合而成。飲落去，即刻感受到甘蔗嘅天然甜味同埋青茶嘅清新口感。喝一口，真係好解渴。值得一提嘅係飲品不添加糖，所以都冇得揀甜度。.再嚟就係佢哋嘅斑蘭椰奶。呢杯揀咗熱飲甜度都係冇得調校斑斕味同椰奶味都好重，兩者都配合得好好亦都唔會太甜。.唔知係咪新開張，所以店舖都有優惠，每個杯嘅杯套上面都有抽獎。我哋今次一杯就冇中獎 一杯就儲夠三杯可以換一杯。.總括嚟講味道都幾好，如果你想飲甘蔗類嘅飲品嘅話都推介試吓。