Video
Read full review
2012-06-24
21 views
本身都唔係話真係好大興趣黎試 Baby cafe 嫁 , 一黎唔係佢 fans , 二黎佢 d 廣告o係雜誌多到呢 ....睇一個覺得幾靚 , 十個開始唔想睇 , 三十個就會厭 奈何 op 幾乎日日都有 baby cafe o既新食評 , fb 間唔中又有朋友食完話唔錯 , 睇得食物相多 , 始終抵擋不了呢日假期 , 朝早打去 book 位時對方話無得 book 喇 , 要 walk in於是我地大約 7:30pm 黎到碰一碰運氣 , 即刻有位喎 , 限 1.5 小時還枱睇過咁多食評 , 都唔太使睇 menu 都有心水了 ^^叫左兩個餐 , 兩款頭盆都試晒 , 結論係 .... 下次唔使叫湯 1. 黑松露野菌忌廉湯~ 唔夠熱 , 同埋太杰喇 , 似忌廉汁多過忌廉湯 , 用黎點牛角包食就 ok2. 烤雞凱撒沙律~ d 菜好爽脆 , 洽到好處o既 caesar dressing 同芝士粉 , 正 !烤雞無乜味 , 但唔係太鞋 , 連埋 d 菜食都幾好味3.凍荔枝茶~ 跟餐送的 , 我覺得好好味 , 有花香味 , 唔會太甜 4. Baby 三食 ~ 火炙鮭魚腩賣相同味道都最好係佢 , w
一黎唔係佢 fans , 二黎佢 d 廣告o係雜誌多到呢 ....
睇一個覺得幾靚 , 十個開始唔想睇 , 三十個就會厭
奈何 op 幾乎日日都有 baby cafe o既新食評 ,
fb 間唔中又有朋友食完話唔錯 , 睇得食物相多 , 始終抵擋不了
呢日假期 , 朝早打去 book 位時對方話無得 book 喇 , 要 walk in
於是我地大約 7:30pm 黎到碰一碰運氣 , 即刻有位喎 , 限 1.5 小時還枱
睇過咁多食評 , 都唔太使睇 menu 都有心水了 ^^
叫左兩個餐 , 兩款頭盆都試晒 , 結論係 .... 下次唔使叫湯
1. 黑松露野菌忌廉湯
~ 唔夠熱 , 同埋太杰喇 , 似忌廉汁多過忌廉湯 , 用黎點牛角包食就 ok
2. 烤雞凱撒沙律~ d 菜好爽脆 , 洽到好處o既 caesar dressing 同芝士粉 , 正 !
烤雞無乜味 , 但唔係太鞋 , 連埋 d 菜食都幾好味
3.凍荔枝茶~ 跟餐送的 , 我覺得好好味 , 有花香味 , 唔會太甜
4. Baby 三食
~ 火炙鮭魚腩
賣相同味道都最好係佢 , wasabi 貌似牛油果醬 ,
再配個酸酸地o既汁 , 幾特別 , 配合火炙o既香味
~ 黑松露炒蛋
炒蛋好似糊狀 , 黑松露係幾香, 多士唔夠脆 , 整體唔好食
~ 香草蕃茄意粉
無特別 , 幾淡就食晒 , 呢個 baby 三食唔係幾抵食
5. 鵝肝墨汁意大利飯~ 鵝肝大大塊 , 煎得 arm arm 好, 就咁食左少少先撈落飯度
意大利飯都煮得好好 , 唔會太淋 , 飯有芝士同菇粒 , 好香 =)
食完兩個餐 , 其實都唔係幾飽 , 甜品 menu 有三樣野係有興趣 , 難以取捨, 決定三個叫晒 !!
1. 棉花玫瑰芝士餅
~ 之前試過一個玫瑰味 yogurt cake , 發現玫瑰o既香味整甜品係好好食
加上 menu 張相實在太吸引 , 所以平時唔食 cheese cake o既我都好想試下
一上枱 , 真係好靚 !! 同張相係幾乎 100% 相同 , 呢樣好值得加許 !!
棉花糖係士多啤梨味, 連埋 cheese cake 食就無咁甜 ,
cheese cake 夾左兩層玫瑰味 cream , 碟邊有玫瑰花乾同o者喱 , 好清香 =)
2. 海綿蛋糕 + 青檸雪芭~ 蛋糕好軟綿 , 淨係得奶味同牛油味 , 上面粒紅桑梅超酸 xp
個雪芭係超正 !! 個底有一粒粒橙皮 , 好 fresh , 同埋海綿蛋糕食好好味
3. 法式拿破崙 + 草莓雪糕~ 三個比起黎 , 呢個失色少少 , 可能因為我地最遲先食個拿破崙
D 吉士醬開始溶 , 酥皮鬆化 , 但唔脆 , 開心果粒細細粒但好香 nuts 味
草莓雪糕又係好正 !! 唔知係咪佢地自家制 , 唔重奶味而係好濃草莓味
## 埋單 $ 426 , 我覺得唔算好貴 , 甜品以味道同賣相黎計 , 算幾抵添食完仲有兩張 $ 75 coupon , 到期日去到 9 月 , 下次再戰甜品 !!!
Post
