Terrace in seaside (海運大廈)

Open Now

Now Closed

今日去咗尖沙咀好人氣嘅韓式咖啡廳，Terrace in Seaside真係食得好開心！首先試咗「極度惹味泡菜八爪魚紫菜包飯」，紫菜包飯上面擺放著八爪魚，口感好鮮嫩彈牙，再加上泡菜嘅酸辣味，味道唔錯☺️跟住試咗「烏卒卒墨汁八爪魚燉飯」，米飯吸收咗墨汁嘅鮮味，每一粒米都飽滿入味，八爪魚又滑又彈，配少少沙律醬又會有另一層次🙂‍↕️然後一定要叫大熱門甜品！「開吾開心試左先知既開心果蜜糖窩夫」，外脆內軟，配上開心果碎嘅香氣，仲有蜜糖嘅甜味，加埋雪糕，又靚又好食，完全唔會膩🤤另外為咗消暑，呢2杯飲品個人亦高度推薦，「人生迷芒的芒果沙冰🥭」以及「濟州柑橘乳酸梳打🍊」，尤其係沙冰，除咗芒果味濃郁，仲會切咗半個芒果放喺杯上面，真係好適合炎熱嘅天氣。