La Postre (永樂街) (Closed)

相約朋友慶祝生日，來到上環A出口，行過一條小街就到。入到鋪頭，裝修精美，好有格調，歐美風格。侍應好好客，招呼我們坐梳化位。叫左2個主食加一個甜品：芝士煎蟹餅 - 招牌小食之一，見到openrice好多人order，煎蟹餅中間有芝士，係中間切左之後有芝士流出嚟。上面有木魚絲，入面有蛋漿同埋大量蟹肉，份量多，好味。西班牙海鮮炒飯 - 好多海鮮有4隻大蝦同埋好多青口，仲有蜆。西班牙飯放左青椒等，有少少辣，飯粒煮到剛剛好， 仲有蕃茄的甜味，好惹味，不過份量好大，2個女仔食唔晒。雜果窩夫一共8份，焗到岩岩好，中間有雪糕，窩夫里有麻糬，仲有好多雜果有無花果芒果士多啤梨藍莓等。賣相精美，淋上蜜糖非常可口。