Video
Read full review
2018-03-17
213 views
最初知道有呢間餐廳，係因為日日搭車，架巴士必定會o係長沙灣道、荔枝角同長沙灣中間o個個彎位等燈位停一陣，次次都會望到佢大大隻門牌，而且通常都係處於肚餓o既狀態。耳聞目染，久而久之真係想搵日試下。之後搵到人陪我食，但就番朋友方便，所以book o左太子呢間總店。餐廳外面擺o左d 好靚o既旋轉木馬同摩天輪玩具擺設，內裡有一個corner 貼滿食客o既即影即有相，同大家一齊share happy moment；另一邊鏡則貼o左d 求婚波波，可能無耐前有人曾經book 過來求婚唔出奇～我自己點o左個晚餐，以香脆豬手配燒汁為主菜($168 未加一)。我覺得首先份量幾好，肉幾juicy，而塊皮真係做到薄脆，出面食呢類燒肉有時層皮會燒到好膠好硬好韌，成塊牛皮咁要嚼好耐又咇晒d 油出o黎，但係e 度就好易切得開。除o左燒汁，佢仲有跟埋茄汁同mustard，個人鍾意點mustard 多d。跟餐有份standard o既甜品同餐茶，但分別都可以加錢升級，會有本專屬o既甜品同飲品menu 可以參考。靚女職員話是日甜點係個唔知乜o野mousse，咁擸下仲有咩選擇，見加$25 就可食到原價$48 o既朱古力心太
餐廳外面擺o左d 好靚o既旋轉木馬同摩天輪玩具擺設，內裡有一個corner 貼滿食客o既即影即有相，同大家一齊share happy moment；另一邊鏡則貼o左d 求婚波波，可能無耐前有人曾經book 過來求婚唔出奇～
我自己點o左個晚餐，以香脆豬手配燒汁為主菜($168 未加一)。我覺得首先份量幾好，肉幾juicy，而塊皮真係做到薄脆，出面食呢類燒肉有時層皮會燒到好膠好硬好韌，成塊牛皮咁要嚼好耐又咇晒d 油出o黎，但係e 度就好易切得開。除o左燒汁，佢仲有跟埋茄汁同mustard，個人鍾意點mustard 多d。
跟餐有份standard o既甜品同餐茶，但分別都可以加錢升級，會有本專屬o既甜品同飲品menu 可以參考。靚女職員話是日甜點係個唔知乜o野mousse，咁擸下仲有咩選擇，見加$25 就可食到原價$48 o既朱古力心太軟連mövenpick 雪糕球，咁就梗係呢個啦！
朱古力心太軟 (跟餐加$25)
12 views
0 likes
0 comments
個心太軟比想像中甜，不過個texture 軟硬度我幾鍾意。而mövenpick 不嬲識食o既都係食雲尼拿味，$25 實在太值得加喇！
至於餐茶，一樣升o左級。想飲凍朱古力，咁佢都有好幾款，咩o野玫瑰朱古力同軟綿綿朱古力等等，最後揀o左隻叫「chocolate@paradise」o既相信係招牌調飲(跟餐加$15)。味道唔錯，賣相好有層次感，上面係牛奶，下面係朱古力，同埋原來呢個都有mövenpick 朱古力味雪糕o係頂，好surprise 呀！
chocolate@paradise (跟餐加$15)
10 views
0 likes
0 comments
呢間餐廳叫得cafe and dessert bar，果然甜品呢d 都係重點。同埋d 員工服務態度十分慇懃，又係要嘉許！
Post
