EXP

Open Now

Now Closed

晚上係九龍塘上進修堂，次次上堂前都係食food court，今次豪d坐入餐廳食。呢間係西餐廳，環境寬敞舒服，隔離就係溜冰場，無聊可以睇下人溜冰。我和友人兩個人叫咗個蜆肉意粉，照燒牛柳粒，炸薯條和即焗泡芙班戟配雪糕。個蜆肉意粉好香，蜆肉好新鮮，意粉爽口，好清新。照燒牛柳粒配大蔥，帶點中式的味道，照燒汁好入味，牛柳粒亦煮得剛好，唔會韌。炸薯條就鮮炸熱辣辣。最後個甜品係即整，需時十多分鐘，我們食到咁上下就叫廚房整，所以送到過來都係熱辣辣。個泡芙班戟好香，好好味，加埋雪糕一熱一凍真係好正。今餐真係好滿足。