甜牙牙

Open Now

Now Closed

又到甜品時間啦，旺角有好多間甜品鋪，今晚就去左甜牙牙。以前行旺角時成日都經過，但都冇入過去食，今晚就係機會啦。餐牌都有好多款甜品揀，有心太軟，窩夫，鬆餅，火焰雪山，綿綿冰，雪糕船，西米露，紅豆沙，中式糖水，仲有飲品添。最終揀左火焰雪山，提拉米蘇鬆餅層層同紅豆冰。火焰雪山會係你面前加酒點火，所以綿花糖面會好濃酒味，入面有窩夫同雲尼拿雪糕，好多層次。提拉米蘇鬆餅層層有兩塊鬆餅，面頭有兩塊手指餅，配一球雲尼拿雪糕。鬆餅有蛋味，偏向蛋糕既鬆餅。紅豆冰好多紅豆，紅豆好甜，撈埋奶就岩岩好。