Doux (Closed)

朋友話帶我去一間餐廳，甜品賣相非常吸引。餐廳位於旺角彌敦道，地點位置優越。餐廳地方闊落，窗邊可欣賞美麗風景。餐牌上有好多菜式可以選擇。當然唔少得甜品啦。帶子沙律，沙律菜爽中帶甜，再配上鮮甜帶子，車厘茄，合桃，醋，非常健康。青口香檳忌廉汁意粉，鮮甜青口配上彈牙意大粉，醬汁掛於每條意粉上。小食拼盤，炸薯條配上芝士非常香脆，熱辣辣的炸芝士條，裡面充滿芝士，炸蝦爽口彈牙。黑毛豬鞍，肉質厚，口感柔軟富彈性。Ruby Peach，桃形外殼，內裏夾着桃啫喱， 做成流心效果，充滿桃味，伴碟仲有啲都係用桃做成嘅啫喱，同埋花瓣，賣相吸引，甜度適中。