城寨煲皇

Open Now

Now Closed

打邊爐食材真係好重要，呢度款式好多好齊全，仲有小食添，真係好豐富！牛肉已經有唔同既款，我地就叫左掛架牛頸脊，一上枱就打左卡先，好有氣氛，有啲煙噴住出黎，牛頸脊脂肪唔會太多，油花岩岩好，咬落好有質感有嚼勁，都腍身唔會好硬好鞋，牛味亦濃，唔中意食得太肥既朋友就一定要試啦！農場鮮雞子亦係不可不食，雞子好大粒，真係新鮮雞子，雞子脹卜卜，雞味香濃，粒嫩既口感，咬開仲爆汁，真係新鮮到無朋友！菜方面選擇都唔少，唐生菜仲有野菌雜菜盤都好食新鮮，最中意佢地既粟米勁清甜，冬菇又大粒，健康啲食下菜就岩！而海鮮亦有啲特別選擇，花刁醉蝦就夠晒特咁，鮮蝦用花雕酒醃到醉醉地，非常入味，淥完出黎再食都食到香醇既酒香，滲晒出黎，蝦肉又彈牙，另外原隻鮮魷同珊瑚蚌都係夠晒新鮮！湯底都有幾款選擇，我地就叫佐藥膳滋補醉雞湯，有成半隻雞咁多，認真足料，湯底真係飲到濃濃既藥材味，非常補身，再慢慢打邊爐，愈滾愈香！打方爐途中都可以叫小食，我地叫佐百花炸油條，係蝦滑釀入油條，油條本身都鬆脆，釀佐蝦膠之後再炸幾分鐘，更加鬆化，唔中意咁熱氣可以浸一浸湯再食，同樣好食！