聰嫂私房甜品 (Closed)

喺灣仔想食糖水，又唔想行到去銅鑼灣咁遠，最好嘅選擇應該係聰嫂啦！價錢同食物質素都算係成正比，座位闊落，夜深時，人流亦可接受，不過呢間算係咁多分店裡面最早關門嘅一家，想慢慢食，慢慢嘆夜啲，可能都係要去返銅鑼灣啦。食甜品就好個人嘅，我只能夠比個總結大家～份量其實剛剛好，所以食完不會太膩，甜度也剛好。不過推薦大家食啲煲嘅糖水會好啲，啲材料足，夠火候，甜度剛剛好，回頭率高。而啲雙皮奶就相對爭啲，有時食落，感覺係剛剛係急凍櫃攞出來，雪味濃而未及時解凍。仲有樣遺憾嘢，小女好喜歡黑糯米，可惜聰嫂家嘅黑糯米只有凍食。