Goobne Chicken (瓊華中心)

Open Now

Now Closed

因為不嬲都好鍾意食呢間野嘅烤雞，所以就約咗朋友嚟呢度食午飯。嚟得呢度就梗係要食下佢嘅烤雞啦，發現menu有兩款新菜式，UFO fondue烤雞同埋蜜糖香滑烤雞。本來我係想叫UFO fondue烤雞，因為好鍾意食fondue。點知佢竟然話今早仲未有，所以就退而求其次試一試蜜糖香滑烤雞。另外在帶多啲凱撒沙律清一清腸胃。啲嘢飲好快就到左，我個杯藍莓刨冰唔錯。唔會太甜飲洛口真係有藍莓喺裏面做嘅刨冰個凱撒沙律比較一般冇乜特別，有少少失望。不過講真佢都唔係主角所以冇乜所謂啦。等左一陣之後，期待已久嘅蜜糖香滑烤雞終於嚟啦！我哋嗰日比較懶所以叫咗無骨嘅。咬落口真係唔錯啖啖肉。最鍾意嘅就係佢有蜜糖之外仲有淡淡的Mustard 味，所以唔似一啲嘅蜜汁雞翼咁甜到漏，唔會有過火嘅感覺。我覺得佢燒烤直接食就夠晒味，完全唔使再點佢俾埋嘅醬汁。不過如果再鍾意重口味少少啲嘅朋友都可以再點醬汁嘅。雞肉咬落去多汁唔會烤到乾晒。食完呢個之後因為喺後邊不對播放關於UFO fondue嘅廣告，搞到我真係好想食。我諗我要再返到嚟一次。