蜜密 (Closed)

甜蜜密比利時朱古力窩夫（$52） 窩夫賣相一流，鋪滿朱古力醬，朱古力味都算係濃，岩曬甜魔。窩夫熱辣辣上枱，可惜因為太多醬既關係，食得慢既會淋左啲。Honey secret🐝 ($98) 上枱之前真係完全估佢唔到係咩黎架，好緊張！到上枱之後，真係要相機食先😍，係一個糖絲整出黎嘅大波...咦，未得住，原來仲內有乾坤！ 掀開個波，原來入面仲有朱古力餡拿破倫。 你以為咁就完😏？仲未！波波下面仲有朱古力醬可以用黎點拿破倫！食呢個甜品嘅時候司令真係覺得好驚喜，唔怪得叫honey secret啦。益力多沙冰（$28） 食甜野既時候禁不住要叫杯野飲清下喉嚨，所以司令叫左益力多沙冰🤓。冰打得夠碎，益力多一啲都唔姑寒，飲落好似細個將益力多雪係冰格之後拎出黎食咁。以後元朗又多個好選擇啦。