楽壽司 (Closed)

朋友生日我帶左佢去食佢最愛嘅壽司，呢個一出lift有感應機打開門，樓底好高無壓迫感，可以坐係師傅前面，但我地太多嘢就坐卡位舒服d，我地食lunch叫左精選壽司9貫，已經有前菜，沙律，湯和甜品前菜係芽菜，沙律新鮮爽口，加上醋令人開胃，茶碗蒸滑嘟嘟，材料好豐富9款壽司師傅會揀最時令的，有海膽，赤貝，中拖羅，火炙左口魚，真鯛，伊佐木，吞拿魚腩，每件壽司都好新鮮，最中意海膽，超級鮮甜，一啖放入口真係好滿足，赤貝爽口，中拖羅油脂豐富，入口即溶，火炙左口魚最後先食，燒完好有油香甜品係雪糕，我地叫左紅豆同芝麻，兩個都好香濃，食完甜品大滿足