Video
Read full review
2023-12-24
1987 views
12月12號，我同朋友係Mono食Lunch ，簡直係狗血劇情咁唔知以為自己食緊街邊野⋯嚴重懷疑個米芝蓮同亞洲最佳50係點黎！首先，侍應介紹餐牌嗰陣好似讀書咁，中間仲唔記得咗講到邊，好尷尬。我哋點左Journey menu，食左一兩道菜，準備再上菜果陣，個女侍應突然將個熱湯淋係我身上令我條裙和外套都有漬，如图。我真係嚇一跳，好彩人無事！果個女人淋完我仲即刻走左去⋯我和我朋友都黎唔切反應。另一個女侍應睇到，重掉頭走，然後先叫個助理經理黎。但呢個助理經理態度十分唔專業，只是表面清理我條裙，仲建議我自己解決問題，然後叫我地繼續食野先，之後佢再黎跟進我條裙既進度。仲叫我諗吓我地（餐廳）可以點幫你？但呢個問題唔係因你地而起咩？仲要我諗解决方法？好彩當日著左厚的打底，無燙到大脾。但慶祝生日的氣氛完全無哂，後續安排補左一道原本要+700幾蚊既主菜比我們，但係條裙仲未有可行既解決辦法。然後另一個經理來交涉。他承諾安排洗衣服務，但當時已經2點幾，真係唔知隨街買套衫換/ 返酒店再換過衫先再出黎/ 定繼續食好⋯ 根本無可能係4點前將條裙交返比佢地洗。本身第二日離港，Plan左當日仲有地方去。但被人淋到咁，唯
嚴重懷疑個米芝蓮同亞洲最佳50係點黎！
首先，侍應介紹餐牌嗰陣好似讀書咁，中間仲唔記得咗講到邊，好尷尬。我哋點左
Journey menu，食左一兩道菜，準備再上菜果陣，個女侍應突然將個熱湯淋係我身上令我條裙和外套都有漬，如图。我真係嚇一跳，好彩人無事！果個女人淋完我仲即刻走左去⋯我和我朋友都黎唔切反應。
另一個女侍應睇到，重掉頭走，然後先叫個助理經理黎。但呢個助理經理態度十分唔專業，只是表面清理我條裙，仲建議我自己解決問題，然後叫我地繼續食野先，之後佢再黎跟進我條裙既進度。仲叫我諗吓我地（餐廳）可以點幫你？但呢個問題唔係因你地而起咩？仲要我諗解决方法？
好彩當日著左厚的打底，無燙到大脾。
但慶祝生日的氣氛完全無哂，後續安排補左一道原本要+700幾蚊既主菜比我們，但係條裙仲未有可行既解決辦法。
然後另一個經理來交涉。他承諾安排洗衣服務，但當時已經2點幾，真係唔知隨街買套衫換/ 返酒店再換過衫先再出黎/ 定繼續食好⋯
根本無可能係4點前將條裙交返比佢地洗。本身第二日離港，Plan左當日仲有地方去。但被人淋到咁，唯有取消行程。d 時間就係用黎趕返去換衫 ，好慘。
餐廳只係叫我地自己返酒店梳洗和換衫，將條裙擺係酒店禮賓部，他們派人黎拎，洗好先送返比我。但係8日之後，我先才被通知快遞既號碼。乾洗衫需要八日？
埋單果陣，我地發現張單無扣返訂座時已經俾咗嘅九百幾蚊留位費，好彩有Void到單，唔係比佢咁樣扣左去，搵人笨。但唔係每個人訂座既時候都要比錢留位咩？咁都無扣返出黎？最後餐廳只係打左個八折比我地，同埋用兩個麵包打發我地走⋯⋯
真心建議大家唔好黎試呢間餐廳，服務0，野食都普普通通，唔值一星。大把酒店餐廳好食過佢。我係好彩無淥到大脾，唔係間野應該都係諗住就咁算⋯⋯
好少寫食評，但咁差既餐廳真係要警世！
21 views
0 likes
0 comments
47 views
0 likes
0 comments
Post
