Video
Read full review
2023-08-25
111 views
朋友生日，我哋揀咗旺角T.O.P.大將打邊爐慶祝，今次食好少少，點咗個澳洲和牛牛小排•嚴選和牛胸腹肉，平日可以任食150分鐘，生日仲可以免費升級無限時放題，又可以免費獲贈是日精選手造蛋糕🥳🥳。 呢度係一人一鍋，大家都可以揀自己鍾意嘅湯底，湯底都有十多款，朋友揀咗個人氣之選嘅花生沙嗲湯，我揀咗個海老濃湯完熟蕃茄🍅，望見個蕃茄湯底咁深色，都已經知道好濃啦，非常足料。 店員第一round 先送上澳洲和牛牛小排🐮、熊本豬梅花肉、昆布漬雞肉，仲有好多唔同級數嘅牛肉，不過我哋主打就梗係食澳洲和牛牛小排。啲肉質都幾嫩滑，牛味都好濃。 上完第一round之後，職員特別提醒我哋呢個餐除咗有肉類之外，仲可以揀海鮮，有日本帶子、大八爪魚、沙白、蝦滑、水魷、花膠、大蟹棒、杭州黑魚片，個魚片非常滑，一啲都唔腥。 出面自助吧有多種蔬菜、丸類🍡、炸物、拌菜可以自取。 甜品有軟雪糕🍦，可以揀朱古力味、雲尼拿味，又或者兩溝都可以。之後仲可以加啲toppings同埋粟米片或者棉花糖。 自製窩夫一定要試🧇，啲蛋漿好香，整1分鐘就食得啦！可以用個沙漏計時好方便。 仲有啲日式手工甜品，有瑪德蓮、泡芙、木糠布甸。 當然唔少得飲品
朋友生日，我哋揀咗旺角T.O.P.大將打邊爐慶祝，今次食好少少，點咗個澳洲和牛牛小排•嚴選和牛胸腹肉，平日可以任食150分鐘，生日仲可以免費升級無限時放題，又可以免費獲贈是日精選手造蛋糕🥳🥳。
呢度係一人一鍋，大家都可以揀自己鍾意嘅湯底，湯底都有十多款，朋友揀咗個人氣之選嘅花生沙嗲湯，我揀咗個海老濃湯完熟蕃茄🍅，望見個蕃茄湯底咁深色，都已經知道好濃啦，非常足料。
店員第一round 先送上澳洲和牛牛小排🐮、熊本豬梅花肉、昆布漬雞肉，仲有好多唔同級數嘅牛肉，不過我哋主打就梗係食澳洲和牛牛小排。啲肉質都幾嫩滑，牛味都好濃。
上完第一round之後，職員特別提醒我哋呢個餐除咗有肉類之外，仲可以揀海鮮，有日本帶子、大八爪魚、沙白、蝦滑、水魷、花膠、大蟹棒、杭州黑魚片，個魚片非常滑，一啲都唔腥。
出面自助吧有多種蔬菜、丸類🍡、炸物、拌菜可以自取。
甜品有軟雪糕🍦，可以揀朱古力味、雲尼拿味，又或者兩溝都可以。之後仲可以加啲toppings同埋粟米片或者棉花糖。
自製窩夫一定要試🧇，啲蛋漿好香，整1分鐘就食得啦！可以用個沙漏計時好方便。
仲有啲日式手工甜品，有瑪德蓮、泡芙、木糠布甸。
當然唔少得飲品任飲啦！除左有自助汽水機🥤、咖啡機，仲有鴻福堂支裝飲品。
Post
