Pheromone Dessert (Closed)

今完雞煲就行過隔黎睇下有咩甜品食，見到呢間甜品店食緊生日優惠，6月生日免費任選一客甜品，但要收返加一。但留意同行朋友都要叫一客先可以啊。點左綠茶雪花冰（$55），雪花冰夠凍，但綠茶味就淡左少少，有落左少少煉奶。如果佢落多少少煉奶應該味道會更好！不過值得一提既係，呢間舖頭既紅豆係好企理一粒粒無茸既，反而咁樣配埋雪花冰食個口感仲好，有野咬下嘛。穀類早餐粟米片配雪花冰係唔會有錯既，撈冰食一邊凍一邊脆，自我感覺良好。小丸子煮到夠熟唔會好硬，但同個冰個味唔太襯。不過說實話，要我真金白銀攞$60出黎食花個雪花冰，我就應該唔會食。份量一般，toppings唔多，亦無咩花巧。