Chez Moi

Open Now

Now Closed

生日的下午食西餐，晚上就食中餐，感覺唔會膩。記得有一年生日的晚餐都係喺呢一間餐廳用餐， 冇諗過下晝都咁多人， 見到餐廳都差唔多全院滿座。不過帶位嗰個侍應面口唔係咁好， 我哋被安排坐喺房入面，由於隔離枱個兩位不停咁講嘢，所以比較嘈。除左呢兩樣，其他方面我都滿意。麵包好脆， 又有啲微暖，但有點乾身。湯好熱，有好多材料， 唯一不足係先上麵包，食曬麵包後先至送上湯， 點解唔係一齊上呢?炭燒西班牙黑毛豬架味道唔錯，唔會燒燶咗，有炭香的味道， 整塊黑毛豬都煮得軟滑。炭燒加拿大黑毛安格斯西冷扒覺得西冷唔夠腍身， 味道亦都唔夠濃，黑毛豬扒好食過西冷扒。加$40可以選擇要一件甜品，朱古力好香，唔會太甜，好滑身。