La Famille (Moved) New Location

其實已經唔係第一次喺呢度買蛋糕食㗎啦，我都係有一次有個朋友生日唔打唔撞，見佢細細個我就買來食下，食過果次之後差唔多每次有朋友生日我都會買來同朋友慶祝生日嘅，佢係以戚風蛋糕做主要，係戚風蛋糕嘅裏面再加啲唔同嘅味道，今次我就買咗王牌士多啤梨，係呢個季節士多啤梨就好香甜同埋都幾大粒，再配埋佢個cream真係好夾好好味，另外我就買咗一個想試左超級耐嘅日本白桃，我自己係本身好鍾意食白桃，但因為次次都賣晒咁啱今次比我見到梗係唔執輸即刻買來食啦，白桃好香甜估唔到係呢個唔係白桃嘅季節都可以食到咁靚嘅白桃，另外我揀咗一個今次生日嗰個朋友好鍾意食嘅味道南瓜，呢個北海道南瓜好好外型又靚，南瓜同朱古力嘅味道又夾，我估下次我都會再買來食，最後我就買咗一個法國玫瑰，真係好靚，個蛋糕有淡淡的玫瑰香味，真係打卡一流。我估嚟緊再有朋友生日我都會再揀呢一間嘅蛋糕嚟食，因為佢真係有好多款式，同埋可以因應人數已買幾多個呢啲細細個嘅戚風蛋糕你同朋友慶祝生日。