海港酒家

Open Now

Now Closed

今日媽媽生日，佢老人家，最鐘意去酒樓食海鮮餐，咁啱海港做長腳蟹優惠，228/斤入到酒樓，好多人啊，好彩有預約定，又留咗隻m斤幾嘅長腳蟹，6個大人夠曬食，我地當然揀清蒸啦，原汁原味，今次好實肉，又多膏，鮮甜無比上湯龍蝦伊麵，正啊，多肉，個上湯煮得夠香濃，伊麵索曬d汁，一流青斑片炒西蘭花，清新爽口，魚肉唔鬆散炸子雞，皮脆多汁，夠嫩燒鵝肥美，入口啖啖油香，不過有d位置好多肥油花膠燉湯足料，唔會過咸，香燶炒馬刀貝就過咗火，d肉好韌蒸斑頭腩好出色，最正係下面墊底嘅金菇，索曬d金銀蒜味，爽口奶黃/蓮蓉壽桃包，好大個推介紅棗糕，香軟煙韌