鐵板燒海賀

Open Now

Now Closed

今日係表哥既生日，我地book左間係尖沙咀The One既鐵板燒同佢慶祝。我地仲專登request左近窗既位置，諗住可以一邊欣賞個靚景，一邊享用美食。可惜天公不造美，好大霧乜都見唔到，浪費左個落地玻璃。不過好彩美食搭夠，我地叫左兩個鐵板龍蝦二人套餐。包左沙律前菜，刺身，南非鮑魚，龍蝦，牛柳，和牛炒飯同甜品。沙律前菜+刺身:沙律用左沙律醋，加埋啲酸蘿蔔，說說美美好開胃。刺身就普普通通，都新鮮嘅。廚師將準備嘅食材一次過放晒喺我哋面前，上菜嘅時候啲鮑魚都仲係郁緊，一睇就知，超級新鮮。我哋仲可以欣賞廚師嘅烹調過程。其實廚師都唔係用咗好多調味料，但係就帶出咗海鮮嘅鮮味。超級好食。龍蝦同鮑魚彈牙都不在話下，連個牛柳都煮得勁腍勁好食。呢個黑松露炒飯作為主菜嘅結尾十分之好。廚師一路炒呢個飯，黑松露嘅香味就不斷飄入我哋個鼻入邊。淨係聞到個味都覺得好香好惹味仲要係粒粒分明。強烈建議慶生或者有啲咩重要節日去呢一間鐵板燒。