陳新記

Open Now

Now Closed

今次黎到利東市政大樓食海鮮，呢度出名在可以起樓下街市買自己既心水既海鮮⋯再攞上去熟食市場搵人煮⋯因為佢除左整海鮮快靚正外，仲有一個必食地道小食一定要叫 （賣個關子先😆）我地4個人食左幾道海鮮包括：白灼鮮蝦、蒜蓉蒸聖子、炸魚皮雲吞拼魚角、炸鯪魚球⋯炸野外脆內軟，火喉岩岩好；而且佢地對每樣海鮮都好熟悉，所以都會介紹返點整先係最原汁原味⋯食到8成飽就係時候要叫呢度既招牌小食⋯西多士! 呢度既西多士係一口份量，而且有濃厚既花生醬同牛油，加上炸到岩岩好⋯外脆內軟，絕對有驚喜！