嘉彩酒樓 (Closed)

今日慶祝壽星仔生日嚟到屯門三聖邨食海鮮餐，我哋冇揀充滿風味嘅大排檔，揀咗喺商場入面嘅酒樓加工。酒樓就係普通屋邨商場嘅舊式酒樓，上到去攞咗位後，就落咗海鮮街嘅海鮮檔揀海鮮。兩個人咩都想試啲，每樣要少少，我哋揀咗半斤蝦，較細嘅象拔蚌，扇貝兩隻，一份龍躉，而雞，乳豬拼海蜇，壽包就係酒樓嘅菜。白灼蝦幾好，無灼得太耐。象拔蚌切得好薄，刀功好。味夠，但有少少過火。呢個整得唔錯，無搶咗魚嘅鮮味。雞係唔夠飽再加，普普通通，中規中矩。乳豬脆卜卜，海蜇爽口。有人生日梗係要食大大個壽包啦。送水果盤。