里木

Open Now

Now Closed

嗰日我生日，女朋友帶我去里木食鐵板燒，呢係我生平第一次食，所以心情特別期待，因為從未食過咁高級嘅日本菜，真係好感激女朋友破費帶我嚟試食。因為女朋友有book位，所以唔使排隊就可以入座。一入到去餐廳入面好有氣氛，櫥櫃擺滿咗紅酒同日本酒，環境十分舒適，服務員都好親切咁招待我哋。我哋點嘅套餐係贅沢鐵板燒，套餐入面有好多高級嘅食材提供畀我哋享用，呢度我就唔一一介紹，等大家自己嚟試吓。其中有幾款食材係我好鍾意嘅，例如澳洲龍蝦、法國鵝肝配中皮、南非鮑魚、魚湯同埋和牛薄燒。原隻龍蝦新鮮出爐，好好食，龍蝦肉嘅味道好新鮮。南非鮑魚好似係世界最貴嘅海鮮之一，可以食到世界上最貴的海鮮，真係抵，鮑魚有好濃厚嘅鮑魚味，肉質好爽甜。魚湯飲咗亦都十分清爽，鵝肝真係入口即化，非常細膩絲滑，好正。和牛肉亦都香脆嫩滑，當然其他食材亦都非常好食，成個套餐只需$1480，仲可以食到咁多高級又好食嘅食材，真係非常滿意。