京笹居酒屋

Open Now

Now Closed

話說已經encore 過呢間餐廳的午市好多次，因為lunch都係 $70，好抵食。居酒屋環境好舒服，可以慢慢坐，就決定生日飯要同男友係度食，果然冇令我地失望！池魚刺身（$150）刺身係整條上！條魚唔算好大條，但真係好新鮮，睇隻魚眼就知！刺身切片，拌上蔥及少許薑絲，以去除鯹味，刺身味道微甜。赤貝刺身（2隻$140）本身錫住男友荷包，唔唸住叫，覺得只有兩隻好唔抵！但男友好想食，咁我就一於奉陪啦！原來好大隻架，份量也不少呢！賣相滿分！非常精緻！赤貝一樣好新鮮，味道鮮甜，比平日吃的更爽口，很出色呢！雜錦天婦羅炸皮厚薄適中，個人覺得蓮藕、芋頭最特別。蓮藕薄薄爽脆，感覺清新。芋頭好靚，少少粉，充滿芋頭香。鮮蝦就略欠彈牙，而且比較細隻。總結覺得呢間餐廳好有心思，食材新鮮，價格可以接受，環境舒適，值得推介！