Bostonian Seafood & Grill (Closed)

由於渣打信用卡有優惠，所以今年同老婆慶祝生日就來到這間餐廳試一試。我們七點去到餐廳，竟然一個人都無，到我們約八點走時也只是有約五枱人，客人少得稀奇。我們點了西冷扒、Bostonian Grill Special （有龍蝦尾、羊架、帶子同鴨肉腸）。西冷扒好厚，有好多肉汁，好有水準。個Bostonian Grill Special都燒得好好味，唯獨個鴨肉腸係有少少呃錢，好普通。跟住我地再點了四隻生蠔試下，法國生蠔真係好肥美，我們試了一隻荷蘭生蠔望上去好似都好大隻，點知拮出來肉真係無法國的多，雖然價錢一樣。最後我地點了個士多啤梨芝士蛋糕，原來佢係會連埋一個pudding同一個雪糕上，幾樣野都好好味，但係其中的蕉糖士多啤梨個蕉糖超硬，又好黏牙，呢樣唔係太好。因為用渣打信用卡，餐廳送左兩杯香檳。算係一餐開心的生日飯。