Akoya

Open Now

Now Closed

朋友生日，想搵間好餐廳，最緊要可以慢慢食坐得耐慢慢聚會傾偈。見到呢度有好多好嘅食評，環境又唔錯，決定試試🤍海膽燒汁蠔推介 海膽汁好味，下面有菜底，生蠔大粒鮮甜。🤍北海道產花魚一夜干不過不失，冇話太特別，普通燒魚味，冇咩太特別嘅味道。🤍燒番薯配蜂蜜牛油推介牛油係放喺旁邊自己塗抹，番薯好甜，配蜂蜜加牛油好好食。🤍炭火燒拼盤拼盤嘅食物有點失望，有青椒鵪鶉蛋雞翼面子雞肉串雞心。味道都係偏淡得鹹味，雞肉棒啲肉有啲散，唔知點解連鵪鶉蛋都唔係特別好味。。。🤍明太子煎蛋卷推介 雞蛋軟熟Juicy，入面好多明太子，爆汁🤍雞湯卡邦尼烏冬失望，本身就係睇中呢一疊好邪惡嘅卡邦尼，但係食落普普通通又係得個鹹味，冇想像中咁好味🤍特上刺身盛拼盤推介，魚生新鮮，吞拿魚厚切！大吞同蝦好好食好鮮甜。三位食咗兩千蚊，其中刺身係出色的。其他嘢食冇想像中或者食評講得咁好食，有啲失望。環境暗暗地有feel。