Video
Read full review
2009-02-03
78 views
2009年.1月今年的第一餐生日飯, 又係同呢位朋友食. 舊年佢帶我去The Swiss Chalet, 今年就來Felix. 响咩都未講之前, 要講句多謝先! 因為餐飯食得非常滿意, 亦多謝朋友幫手完成我的小小心願, 因為佢知半島酒店的餐廳我巳試哂咁滯, 但Felix就未去, 所以我生日就帶我來掃埋Felix.朋友一早book咗餐廳最尾的窗口位, 比較靜之餘景觀一流 (可惜落地玻璃有簾), 未食巳非常滿意. Felix的裝修幾Funky, 高檔得來絕唔侷促, 比起高貴的Gaddis, 環境上更喜歡輕鬆的Felix.食物的水準亦非常唔錯, 朋友推介的幾道菜式都吃得滿意. 服務體貼週到又夠哂親切, 侍應又多靚仔靚女, okok~食物介紹:麵包藍 最喜歡Raspberry +朱古力碎包包, 外脆內軟, 又香甜. Pesto Toast都唔錯, 好香.酒水朋友揀左支半島自家品牌的Pinot Noir, 偏Dry, 初初飲果香比軟mild, 味道亦比較平淡, 中段開始個Nose出返D, 口感亦豐富咗, 好明顯支酒係要攤的 (哈哈亂up而巳~)前菜Dungeness Crab, Pineappl
今年的第一餐生日飯, 又係同呢位朋友食. 舊年佢帶我去The Swiss Chalet, 今年就來Felix. 响咩都未講之前, 要講句多謝先! 因為餐飯食得非常滿意, 亦多謝朋友幫手完成我的小小心願, 因為佢知半島酒店的餐廳我巳試哂咁滯, 但Felix就未去, 所以我生日就帶我來掃埋Felix.
朋友一早book咗餐廳最尾的窗口位, 比較靜之餘景觀一流 (可惜落地玻璃有簾), 未食巳非常滿意.
Felix的裝修幾Funky, 高檔得來絕唔侷促, 比起高貴的Gaddis, 環境上更喜歡輕鬆的Felix.
食物的水準亦非常唔錯, 朋友推介的幾道菜式都吃得滿意. 服務體貼週到又夠哂親切, 侍應又多靚仔靚女, okok~
食物介紹:
麵包藍
最喜歡Raspberry +朱古力碎包包, 外脆內軟, 又香甜. Pesto Toast都唔錯, 好香.
酒水
朋友揀左支半島自家品牌的Pinot Noir, 偏Dry, 初初飲果香比軟mild, 味道亦比較平淡, 中段開始個Nose出返D, 口感亦豐富咗, 好明顯支酒係要攤的 (哈哈亂up而巳~)
前菜
Dungeness Crab, Pineapple, Jalapeno and Avocado
朋友推介的, Crab Cake的蟹肉一絲絲好軟熟, 又香甜, 塾底有我最愛的牛油果, 磨茸的牛油果又香又滑, 入面仲有一粒粒的果肉, 口感豐富, I like it~ 炸的版本好香口, 啖啖蟹肉, 凍咗都仲咁脆咁好味. 菠蘿就無咩特別.
湯
Sunchoke and Lobster Soup with Meyer Lemon, Capers
第一次飲白色的龍蝦湯, 幾特別, 龍蝦味幾濃, 加了幾條檸檬橙酸酸地幾得意, 敗筆係飲到有麵粉味同唔夠熱.
主菜 1
Australian Lamb, Pancetta, Sweet Yams, Chipotle and Mint
羊架做得剛好, 肉質好嫩, 又Juicy, 帶點羊羶味, 中間釀咗菠菜同磨菇, 兩種食材分泌出來的汁液令肉質更能保持濕潤, 係個好配搭! Pancetta就麻麻, 比較硬, 甜薯亦唔夠糯滑.
主菜 2
Quick Smoke American Beef, Stilton, Melot
牛肉醃好後再放响煙醺Machine度煙一煙, 聞落好香, 煙醺味頗強. 牛肉本身幾嫩, 肉味本應幾濃, 可惜被略嫌霸道的煙醺味蓋過了. 所以煙醺的做法幾得意, 但可以再輕手d.
最驚喜係個炸Stilton Cheese, 芝士釀咗响Macaroni入面, 霸道的Stilton炸完香氣撲鼻, Macaroni好煙韌, 正到暈.維也納見我鐘意食, 比哂我食咁滯, 超滿足啊! 伴碟的菠菜又甜又有小小Crunchy, 好味啊~
甜品
開心果布甸配朱古力慕絲
好多人都知我唔食甜品的, 唯一例外, 係同開心果有關的任何野, 今晚有緣遇上, 點可以唔試. 個Pudding超香滑, 充滿開心果味, 入面仲有脆脆果,肉, 一流. 試咗小小Dark Chocolate Mousse, 朱古力勁濃, 勁滑, texture勁細密, 甜魔必愛!
朋友本身喜歡食甜品, 佢話今次竟然可以同我一齊食, 好開心! 食到咁好的開心果甜品, 我都好開心呀^^
大家談談笑笑, 又講下以前响英國讀書嘅野, 美酒佳餚, 絕對係一個極快樂的晚上.
Post
