火鍋煮場 (Closed)

早2日上open rice睇下有咩生日優惠，見到哩間火鍋店生日送刺身，咁正，更係即刻訂枱！由地鐵站行過嚟都係兩條街唔係好遠啫，入到來見到 周圍都好乾淨企理， 仲有個魚缸， 感覺唔錯！一坐底侍應已經問係唔係有人生日，因為訂枱嘅時候已經講明，仲講笑叫我地預備相機食先，第一次來D服務都咁親切，好開心！首先點咗個湯底蕃茄海鮮蟹鍋， 上枱嘅時候原來啲海鮮係另外上，蕃茄湯底啲顏色好靚好多蕃茄，再飲啖湯好濃嘅番茄味好香甜，跟住叫咗牛頸脊， 好淋，好有牛肉味，再叫左花竹蝦，好大隻，好甜，蝦頭仲有膏，其他配料有手打蝦丸，全部都係蝦肉，無粉，好彈牙，墨魚丸好爽口，超正，豆腐，牛柏葉，鵝腸，好肥美，脆炸午餐肉，真係外脆內軟……真係食到停唔到口。幾個女仔又飲又食坐足成晚，最緊要係無限時，唔會趕你走。