AVA Restaurant Slash Bar (Closed)

餐廳位於38樓，居高臨下，一出電梯已經見到好靚既夜景，生日飯黎講位置同景觀都唔錯。可惜海景枱只有數張，大部分都係2人枱，所以我地一行四人只能坐中間位，冇得邊食飯邊睇夜景。 一坐低就有凍湯、唔同款式既餐包，配搭三款醬料，有誠意。頭盤叫左青口，份量都算多，四個人食都夠。主菜叫左海鮮意粉。另一樣就叫左拼盤，有牛扒同龍蝦。龍蝦夠彈牙，牛扒牛味好濃，大家都食唔停口。另外值得一讚既就係Ava既飲品，價錢唔貴，而且味道、賣相都好好，絕對嗒得杯落最後既重頭戲出場—-玫瑰花雪糕。廚師用乾冰急凍玫紅花，再加入配料炒雪糕。畫面好靚，而個雪糕好好食。我一向對玫瑰味既產品都冇咩興趣，但呢個雪糕既玫瑰味好清香（唔係濃烈既玫瑰味），而且雪糕唔會好甜，色香味俱全！要食既記得要預先訂定。