春嬌越南河

Open Now

Now Closed

🌕Hello 我係Moon🌕今日去搵一個喺銅鑼灣學車嘅朋友食下午茶，見到附近開咗間新嘅越南菜，一於就喺度食我哋嘅下午茶啦🤩講開越南菜我一定要食佢嘅生牛肉粉，我最鍾意就係食金邊粉🤩，所以坐低冇耐我就已經決定要食生牛肉金邊粉😋朋友就食咖喱牛腩飯，我哋另外嗌咗個通菜，一人一杯嘢飲，我個杯就係茉莉花茶，朋友就係龍眼蜜😍呢度好方便喺自助下單😍用手機掃QR code就可以下單啦，我好鍾意咁樣嘅模式，咁就可以避免漏單嘅情況，同埋舉手好耐都冇人過嚟幫手落單嘅情況都可以避免🤯好快就已經有得食我最鍾意嘅生牛肉金邊粉😍，牛肉嘅份量同埋金邊粉嘅份量都好多，我可以分啲俾朋友一齊食，佢嘅生牛肉真係好香，其實我最滿意就係佢嘅湯底，連埋金邊粉一齊食真係好好味，牛肉湯底好高層次，除咗有啲香葉味，仲有好鮮甜嘅牛肉味，一邊飲湯一邊食金邊粉🤩真係好掂，估唔到呢個價錢可以飲到咁真材實料嘅牛肉湯，真係好抵食！🥳朋友嗰個係咖喱牛腩飯，我食咗少少，佢嘅咖喱真係好香而且唔辣，就算唔食得辣嘅人都可以食😍佢嘅牛腩唔會鞋颯颯，好易入口而且冇咩筋位，份量都唔少㗎！🤩朋友話佢個杯龍眼蜜真係好足料，有好多龍眼喺入邊，可以當一個糖水咁樣，好正🤩🌕M