Video
Read full review
2018-01-30
3015 views
接近新年阿頭請食飯，一行人揀左旺角區開飯，原本提議過食放題咩款式都有，就到所有人不同口味，但阿頭好豪話做節，要傳統啲，去酒樓做團年，咁先應節。阿頭比錢咁就阿頭話事，佢揀左呢間酒樓，係旺角火地地鐵中心點方便同事食完閃人。7點前一行人到達，已好爆場，booking左留位唔使等直入，阿頭今餐竟然唔係點傳統埋年飯既一圍圍菜式，佢話請大家食海新鮮(咁豪可能皆因近期係股市撈唔少)，既然阿頭請就梗係由佢話事，點咩食咩。佢行左魚缸果邊去揀海鮮，再來頭盤點左個冰鎮象拔蚌刺身同燒味等前菜比我地吔住先。象拔蚌刺身好鮮甜，燒味拼盤影唔切相(班友掃得太快)，义燒好味；隻燒鵝不得了，皮很脆，鵝肉很好入味，唔un或鞋口，肉厚度適中，味汁醃得好香郁，中晒重口味人士既味蕾。呢款係陳皮蒸鮑魚，個人對陳皮無甚好感，所以呢味菜既煮法不對我的胃，不評味美與否咧，但都吔左一隻鮑魚，單計鮑魚本身，肉彈而爽甜，滿有咀嚼勁，不過無咩味(可能係烹煮方法令食材唔入味，又或者呢個煮法想帶出海鮮本身既鮮味吧)。仲有再來點左兩三個中菜既款式，不過今晚重點唔係中菜到，主打吔海鮮所以只影左海鮮既相。呢隻應該係長腳蟹吧，手長腳長，肉很札實彈牙，蛋白煮
阿頭比錢咁就阿頭話事，佢揀左呢間酒樓，係旺角火地地鐵中心點方便同事食完閃人。7點前一行人到達，已好爆場，booking左留位唔使等直入，阿頭今餐竟然唔係點傳統埋年飯既一圍圍菜式，佢話請大家食海新鮮(咁豪可能皆因近期係股市撈唔少)，既然阿頭請就梗係由佢話事，點咩食咩。
40 views
0 likes
0 comments
佢行左魚缸果邊去揀海鮮，再來頭盤點左個冰鎮象拔蚌刺身同燒味等前菜比我地吔住先。象拔蚌刺身好鮮甜，燒味拼盤影唔切相(班友掃得太快)，义燒好味；隻燒鵝不得了，皮很脆，鵝肉很好入味，唔un或鞋口，肉厚度適中，味汁醃得好香郁，中晒重口味人士既味蕾。
呢款係陳皮蒸鮑魚，個人對陳皮無甚好感，所以呢味菜既煮法不對我的胃，不評味美與否咧，但都吔左一隻鮑魚，單計鮑魚本身，肉彈而爽甜，滿有咀嚼勁，不過無咩味(可能係烹煮方法令食材唔入味，又或者呢個煮法想帶出海鮮本身既鮮味吧)。
59 views
0 likes
0 comments
仲有再來點左兩三個中菜既款式，不過今晚重點唔係中菜到，主打吔海鮮所以只影左海鮮既相。呢隻應該係長腳蟹吧，手長腳長，肉很札實彈牙，蛋白煮蟹，令蟹肉本身鮮味突顯晒出來，滑而不溜口。
37 views
0 likes
0 comments
另一個很香口惹味既係龍蝦伊麵，龍蝦肉質爽彈，，味道濃而不膩，伊麵亦吸收晒龍蝦的鮮甜汁，夾左兩碗麵食。
老闆埋單，今餐整體不錯，食材很鮮，想當然食材與埋單價錢成正比噠咧。
Other Info. :
用餐時間約個半鐘多點已被催迫要交枱了，樓面話輪侯的人太多了，用餐約7點許到離座時間也未到9點，今餐呢個用餐價錢收費，卻都要迫趕人走，客人唔係話要坐到2046唔肯走，但前後都無過兩個鐘，食任食邊都有兩小時吧，酒樓食飯比人催住閃人確係第一次....................
(The above review is the personal opinion of a user which does not represent OpenRice's point of view.)
Post
