日暮家 麵匠 (Closed)

星期五收工，我位生粉朋友帶我嚟朝聖，2個人大概排左45分鐘先入到去，人龍都幾長下🤣一入到去，鋪頭太細，行入去座位都驚撞到人，坐低果陣同隔離枱客人太貼，有少少尷尬，不過環境係其次，對我嚟講味道最緊要🤭首先一上枱嘅係黑豆茶，味道幾清香，解油膩一流！👍🏻👍🏻然後上枱嘅係羽根燒餃子，我哋太肚餓，一上枱就動左筷先再影相，其實個餃子煎得幾靚，但略嫌調味比較清淡，唔太合我哋口味😅之後上左蒜香味嘅天婦羅無骨雞翼，呢個真係好好食！雞翼本身醃得入味，蒜香味濃，無骨啖啖肉，食落好爽！🤩同朋友仔爭住食！👍🏻👍🏻👍🏻最後上嘅係琥珀拉麵，我額外加左青蔥同筍，但冇影到相。首先講講個湯底，淡淡嘅黑松露味同湯底嘅蜆味幾夾，唔會太過膩。麵嘅軟硬度適中，蜆肉都鮮甜嘅，加埋麵上面嘅洋蔥粒白蔥絲食口感豐富，係略嫌塊豬叉燒同慢煮雞肉唔夠滑，但都算唔錯嘅👍🏻👍🏻另外加嘅筍就麻麻啦，味道一般。枱面上有蒜頭同醃菜，但醃菜味道較一般，唔夠香。有種未醃透嘅感覺😂本身想加白飯，但店員話賣晒，但見到隔離枱遲入嚟嘅有炒飯，點解冇白飯但有炒飯賣呢🤣🤣🤣不過我呢啲大胃女子最後都加左麵，成碗麵連湯清晒！！整體質素唔錯👍🏻👍🏻但如果鋪頭大啲，座位坐得舒