Bélon Vin Restaurant (Closed)

預祝情人節，所以就返男朋友揀返間西餐，今次搵到間食蠔性價比高嘅餐廳。一次過食勻十二個國家嘅蠔，各個國家都各有特色，有唔同嘅濃度，唔同嘅口感。但係每一隻都好新鮮，好甜，對怕腥嘅我吸講，就算唔落調味都可以接受。而我自己就比較鐘意日本同美國，肥美啲之餘，好簡海水味，口感清爽啲。一般食蠔都係提供檸檬，醋，海鮮醬俾你做調味。但係呢度好特別，除左檸檬外，仲有四隻唔同味道嘅爆爆珠，分別係蜜糖，柚子，白酒，紅酒，係按返唔同嘅蠔嘅特性去配唔同嘅爆爆珠，真係好正。食完咁正嘅蠔拼盤之後，就嗌左佢個煙三文魚沙律，個沙律都ok嘅，黑醋多返小小會好啲。最後就嗌左個牛肋條share，佢個牛肋條都炆到好腍，配左啲黑椒吊味，唔會太濃味。情人節食嘅都係環境，唔係求飽肚架啦，但係佢個蠔拼盤真係好新鮮好抵食。