泰娘子泰國餐廳 (Closed)

上星期二約左幾個朋友去食飯，一行6人，外籍朋友提議去食泰國菜，記得早兩個月到行過山林道見到有一間泰國餐廳新開張，就提議去食下啦。門口同好多泰國餐廳一樣有兩個泰國公仔，入到去兩邊牆都用左泰國圖片做牆紙，幾得意，侍應都係全身泰服，好有泰FEEL。MENU係木面的，幾靚，諗完一輪，叫左冬陰公湯、柚子海鮮沙律、酸辣鳳爪、泰式拼盤(細盤)、炒金邊粉、蝦醬炒飯、炒椰菜苗、馬拉盞芥蘭，黃咖哩牛腩、酸辣烏頭，佢地飲Singha，我叫左杯柚子蜜。冬陰公湯：好濃味，有大蝦，不錯。柚子海鮮沙律：酸辣度都okay，最欣賞係柚子不會一大塊酸辣鳳爪：跟平常的差不多，但香料味很重泰式拼盤：有四款野，蝦餅、魚餅、春卷同雞翼，我最欣賞蝦餅金邊粉：侍應話這個很出名，吃過後，真的不錯蝦醬炒飯：未攞到黎已經嗅到香味，唔會好咸，good!!!炒椰菜苗：又係侍應推介，口感很特別，很爽脆(必食!!!)黃咖哩牛腩：送飯一流，咖哩唔太辣，牛腩唔會un，我地仲叫左一客薄餅酸辣烏頭：愈食愈好味，仲有d好似咸檸檬的東西總括也不錯，服務態度都幾好，有機會會再試其他野。