Video
Read full review
2018-03-27
127 views
今日老細心情大好請食飯 竟然戴到我哋去位於灣仔嘅呢間高級omakase嗰度食 小薯仔表示受寵若驚 望望個menu要千幾蚊以上好誇張 環境比較清靜寧靜 裝修偏向日式風格 好有種清幽嘅感覺 師傅話所有菜式包括酸薑都係親手自製 好有心思醬油煮白梅貝 比較爽口 鮮味十足 蒸螢光魷魚 望落細細隻以為係bb 原來師傅話已經係成體 螢光魷魚食落超濃味 海水味十足 味道完勝大大隻既魷魚 真係好特別 北海道真蠔 蠔身好厚肉 配特製嘅醬汁一齊食鮮味 更加突出有淡淡嘅海水味 比較清淡穴子苗 一碗仔外型好似河粉 半透明色 其實係海鰻Bb 師傅話食材好珍貴 好難先揾到 咬落有啲爽口 口感好有趣 海膽湯葉 上面用上北海道馬糞海膽 雖然細細粒 但係海膽味超濃沃 入口有回甘 湯葉係腐皮 腐皮都好濃沃嘅豆腐味道好明顯係自家製 一齊食好夾鮟鱇魚肝 師父話淨係得冬天先有因為唔容易感染細菌 係季節限定嘅食材 食落甘甘地而且好香嘅魚油香味 可以點酸汁食 一解油膩感北海道原隻海膽 原隻大大隻咁上枱 見到嘅都勁開心 影相一流 食落有花香味 夠曬新鮮同甘甜火灸白子 都係季節限定嘅食材之一 個人勁喜歡食 其他地方多數係刺身 但係呢度將
環境比較清靜寧靜 裝修偏向日式風格 好有種清幽嘅感覺
師傅話所有菜式包括酸薑都係親手自製 好有心思
醬油煮白梅貝 比較爽口 鮮味十足 蒸螢光魷魚 望落細細隻以為係bb 原來師傅話已經係成體 螢光魷魚食落超濃味 海水味十足 味道完勝大大隻既魷魚 真係好特別
北海道真蠔 蠔身好厚肉 配特製嘅醬汁一齊食鮮味 更加突出有淡淡嘅海水味 比較清淡
穴子苗 一碗仔外型好似河粉 半透明色 其實係海鰻Bb 師傅話食材好珍貴 好難先揾到 咬落有啲爽口 口感好有趣
海膽湯葉 上面用上北海道馬糞海膽 雖然細細粒 但係海膽味超濃沃 入口有回甘 湯葉係腐皮 腐皮都好濃沃嘅豆腐味道好明顯係自家製 一齊食好夾
鮟鱇魚肝 師父話淨係得冬天先有因為唔容易感染細菌 係季節限定嘅食材 食落甘甘地而且好香嘅魚油香味 可以點酸汁食 一解油膩感
北海道原隻海膽 原隻大大隻咁上枱 見到嘅都勁開心 影相一流 食落有花香味 夠曬新鮮同甘甜
火灸白子 都係季節限定嘅食材之一 個人勁喜歡食 其他地方多數係刺身 但係呢度將外面火灸燒一燒 令到有半生熟嘅感覺 外面乾身 入面更加creamy 口感好特別 而且可以去除腥嘅感覺 超級喜歡呢度菜
半生熟帶子燒海膽 巨型帶子燒後半生熟嘅感覺 入面再包上馬糞海膽 好似漢堡包咁夾 配上脆卜卜嘅紫菜一齊食口感超豐富 味道有層次
煮深海八爪魚 八爪魚煮得好入味而且軟淋
到咗最精彩嘅壽司部分 所有壽司都係用咗赤醋飯 味道比普通嘅壽司飯更加夾刺身 加上師傅所有嘅壽司都已經調味 包括入面有新鮮嘅山葵同埋醬油
針魚 北寄貝 金目鯛
熟成劍魚 熟成嘅做法香港唔多餐廳去做 呢個手法令到魚味更加突出 同時肉質都好鮮嫩
赤貝
剝皮魚 呢個都係珍貴嘅食材之一 上面加上火炙嘅安康魚肝 令到魚油好突出 一齊食落口個魚肉勁加分
鰤魚腩 事前我真係聽都未聽過 但係師父話呢個係油甘魚以上最高嘅級別 感覺上勁高級 食落口魚油味畀油甘魚更加重 魚肉鮮味更加濃
海老 鳥貝 鳥貝嘅日文同雞嘅日文係相同 因為佢做嘅時候 有一部分會一柱擎天 好似雞冠咁 咬落去好爽口而且勁清甜
赤陸
吞拿魚鮫 呢款壽司我勁勁勁勁勁鍾意 佢用咗 吞拿魚嘅魚鮫部分去做 嗰個位油花好足夠 再用上火炙嘅方法去做 令到啲油花逼曬出嚟 入口係全個口腔都充滿魚油嘅香味
而且一啲都唔油膩
北海道馬糞海膽 簡直係海膽軍艦咁樣 上面全部都係滿滿嘅海膽 海膽味超濃 而且甘甜勁Creamy同新鮮
吞拿魚手卷 眼見師傅用咗好多唔同嘅調味料去做 食落口 層次感十足
鯛魚湯用上七種不同魚淆製而成 顏色係奶白色飲落口好順滑而且魚味超濃
紅豆年糕 年糕用炭火烤到外脆內軟 而且唔太甜口感好煙韌 紅豆湯就偏甜 所以配搭得啱啱好 食埋呢味甜品 呢餐就完滿咁結束 真係大滿足
Post
