Video
Read full review
2019-10-17
554 views
最近食完覺得最「舒服」嘅餐廳，事後都好多朋友幾有興趣MUM 日常野菜料理位於佐敦逸東酒店地下。老實講路過咁多次，都冇留意過原來呢度有美食廣場；除左素食，仲有漢堡、拉麵、日本野、多士等。MUM 日常野菜料理以前喺黃竹坑，呢度相對舊店裝潢可能少咁啲日式風味，但餐點一樣唔馬虎。餐牌好簡單，日常定食可選3或4項小菜，定價$100/125，附五殼雜炊飯、味噌湯及麥茶；亦可以加錢轉烏冬、豆乳。小菜16款，例如南瓜薯餅、高野豆腐胡麻蒟蒻、信田卷、紅菜頭青蘋果沙律、天婦羅等，有冷有熱，自由任選點單後，店員會俾個取餐器你，震動時就可自取。日常定食 $125/4小菜我揀左南瓜薯餅、野菜天婦羅、本菇茶杯蒸、蘿蔔冬菇關東煮；連同湯、麥茶、飯以木盤盛著 幾靚仔，唔係頹食味噌湯南瓜薯餅比好多日本料理店做得好食，薯餅外層香脆，南瓜蓉滑溜香微甜，唔油淋，推薦天婦羅炸漿薄身，灑上少少鹽，有秋葵、菇菌、南瓜，食落微鹹，都唔錯。 推薦茶杯蒸，本菇甜甜地，醬油蒸蛋滑到不得了關東煮最清淡，蘿蔔煮得夠腍。配埋五殼飯，成份食哂完全無負擔。呢輪食得清左，所以覺得好啱胃口，一定會回訪，試下好多人讚嘅信田卷
MUM 日常野菜料理以前喺黃竹坑，呢度相對舊店裝潢可能少咁啲日式風味，但餐點一樣唔馬虎。
餐牌好簡單，日常定食可選3或4項小菜，定價$100/125，附五殼雜炊飯、味噌湯及麥茶；亦可以加錢轉烏冬、豆乳。小菜16款，例如南瓜薯餅、高野豆腐胡麻蒟蒻、信田卷、紅菜頭青蘋果沙律、天婦羅等，有冷有熱，自由任選
點單後，店員會俾個取餐器你，震動時就可自取。
日常定食 $125/4小菜
我揀左南瓜薯餅、野菜天婦羅、本菇茶杯蒸、蘿蔔冬菇關東煮；連同湯、麥茶、飯以木盤盛著 幾靚仔，唔係頹食
味噌湯
南瓜薯餅比好多日本料理店做得好食，薯餅外層香脆，南瓜蓉滑溜香微甜，唔油淋，推薦
天婦羅炸漿薄身，灑上少少鹽，有秋葵、菇菌、南瓜，食落微鹹，都唔錯。
推薦茶杯蒸，本菇甜甜地，醬油蒸蛋滑到不得了
關東煮最清淡，蘿蔔煮得夠腍。
配埋五殼飯，成份食哂完全無負擔。
呢輪食得清左，所以覺得好啱胃口，一定會回訪，試下好多人讚嘅信田卷
Post
