Video
Read full review
2012-04-14
350 views
又係多謝老細的日子啦, 今次老細帶左我去佢朋友的鋪頭食LUNCH. 由於時間早, 唔洗等位, 但鋪頭好細, 得十幾個位.日文餐牌=.=, 我鬼識睇咩, 老細知我唔食生野, 指住一個姜燒定食話好好食, 其實係"生姜燒豚肉定食", 就1人叫左1SET見到老師傅好用心咁整, 前菜配菜鋪得令令, 每樣食材準備好少, 用哂再即整見到佢整個魚生飯, 係其他客人的餐, 刀功好, 無快刀手切損手, 而且整吞拿蓉時會好仔細咁去清D根唯一令我有D擔心的係, 切菜同魚生同一占板, 抺野都係同一條毛巾......好彩食完都無事姐煮我個餐燒豚肉的係另一位後生師傅, 見到佢係雪櫃拎左塊雪花紋好令的豬肉出黎就知係正野. 佢將塊肉沾滿醬汁, 放係爐網上面燒等左同睇左幾個字, 終於有得食啦~1. 燒豚肉: 好正啊, 肥瘦適中, 肥的部分入口即溶, 燒得甘香. 雖然見到少少姜絲, 但食唔到姜味, 我鐘意. 底的生菜絲加左沙律醬, 清哂, 但有D苦苦地2. 薯仔沙律: 其實係薯蓉先岩, 加左少少紅羅白絲, 唔錯3. 漬物: 羅白同青瓜, 好酸, 我都係唔鐘意食呢類野4. 麵鼓湯: 即叫即整的, 熱辣辣, 除左豆腐, 海帶,
日文餐牌=.=, 我鬼識睇咩, 老細知我唔食生野, 指住一個姜燒定食話好好食, 其實係"生姜燒豚肉定食", 就1人叫左1SET
見到老師傅好用心咁整, 前菜配菜鋪得令令, 每樣食材準備好少, 用哂再即整
見到佢整個魚生飯, 係其他客人的餐, 刀功好, 無快刀手切損手, 而且整吞拿蓉時會好仔細咁去清D根
唯一令我有D擔心的係, 切菜同魚生同一占板, 抺野都係同一條毛巾......好彩食完都無事姐
煮我個餐燒豚肉的係另一位後生師傅, 見到佢係雪櫃拎左塊雪花紋好令的豬肉出黎就知係正野. 佢將塊肉沾滿醬汁, 放係爐網上面燒
等左同睇左幾個字, 終於有得食啦~
1. 燒豚肉: 好正啊, 肥瘦適中, 肥的部分入口即溶, 燒得甘香. 雖然見到少少姜絲, 但食唔到姜味, 我鐘意. 底的生菜絲加左沙律醬, 清哂, 但有D苦苦地
2. 薯仔沙律: 其實係薯蓉先岩, 加左少少紅羅白絲, 唔錯
3. 漬物: 羅白同青瓜, 好酸, 我都係唔鐘意食呢類野
4. 麵鼓湯: 即叫即整的, 熱辣辣, 除左豆腐, 海帶, 仲有3塊麵根之類的野, 好味
5. 蛋: 本來唔想食, 見到好似生咁, 但問落老細話8成熟, 就食左2啖. 雖然老師傅落左甜鼓油, 但都係接受唔到唔熟哂的雞蛋, 唔好意思
6. 綠茶雪糕: 餐飲有COFFEE, 但我唔飲, 老師傅就俾左一球綠茶雪糕我, 好香奶味, 為餐飯畫上完美句號~~~
飯唔夠可以添飯的, 老細就添左一碗
TOTAL 2個人190蚊落樓, 其實唔算貴, 因為餐飯真係有質素的
Post
