鹿巷

Open Now

Now Closed

今日OT，跟住仲要去西灣河訓練，訓練前要醫肚，唯有食外賣，行經一間日式小店，門面都幾吸引喎！牆上餐單有咖哩系列、和風系列、串揚系列、揚物系列、和風小食和加配食品，仲有每日限量。我揀咗炒雜菜加配牛肉、兩份三文魚和溏心蛋（共$95），勁足料，好豐富！睇住老闆即切即煮，夠晒新鮮。炒雜菜好新鮮，除咗有大椰菜外，仲有洋蔥、甘荀，炒得爽口，有些胡椒和芝麻香，不油不鹹，健康之選。加配牛肉（$15）差不多有六至七大件，抵！炒至迫出油份，食落唔肥膩，整得入味，正！追加三文魚 （$30/2份）好厚身，一片片魚肉，無添加太多調味，食到原有味道。追加溏心蛋（$10/隻）流心狀極佳，滑嘟嘟，好有蛋香。