Find The Way

Open Now

Now Closed

嚟開朗屏探阿媽，老公突然話想食pancake, 網上揾到Find the way, 雖然唔係喺我bucket list入面，但係見食評不俗，所以嚟試吓。一打開門，先至知原來咁細間，好好彩我哋即刻有位。我哋個座位對正男店員（老闆？）沖咖啡個吧位，一路等一路欣賞老闆沖咖啡，賞心樂事。 見到佢每個步驟都好細心好專業我要latte, 外面cafe嘅latte 一般都係好淡，甚至似水(連鎖店通常都係咁），但係佢哋呢杯，飲第一啖已經有香濃咖啡味，一d都唔苦澀，我老公都話佢杯dirty都夠濃，而且飲到尾都有啡味，呢一點出面大部分cafe 都做唔到！有飲開dirty 嘅朋友一定明白呢點。Pancake 一食就覺得好香蛋味！因為我怕肥，一開始撥開左舊牛油去一邊，食食吓發覺原來舊牛油係咸牛油，配搭甜甜地嘅pancake 又幾好味！所以最後都搽曬舊牛油！由於全店得八個位，好快滿坐。我哋期間都有四個人要排隊，不過等一陣就有位。臨走時，老闆幫我哋拉門，仲傾左一兩句，好nice 呢啲用心小店喺香港好少見，希望佢哋繼續努力做落去，我哋就可以嚟享受下有質素有heart 嘅咖啡同食物。