Video
Read full review
2023-08-02
37 views
餐廳以洞穴設計為主題，燈光柔和，環境舒適愜意，令人置身於岩洞裡面。見到餐牌寫住”Delicious food with heart and passion‘’，呢餐晚餐完完全全感受到餐廳對食材嘅執著同烹飪嘅認真。伊比利亞火腿(48個月)肉嘅比例比脂肪多，食落肉質結實，口感甘香油潤。配上鮮甜嘅哈密瓜同無花果中和油香。 牛肉片配上由柚子醋製成嘅粒粒，加埋花生碎、醋、橄欖油等調味。呢到牛柳嘅部位嫩滑到極緻。油香入口即溶，肉嘅油香同所落嘅油醋份量恰到好處。食完一塊接一塊，係我暫時食過最高質嘅牛肉片。法國煙鰻魚柳配上挪威三文魚。經過煙燻後嘅鰻魚，味道鮮美，魚油喺口入面慢慢溶化並散發出淡淡魚香。刁草蜜糖芥末同酸忌廉襯托令魚肉唔單調。當侍應湯時已聞到濃郁嘅牛肉味。清湯附有燉蛋同蘿蔔絲，碗上嘅麵包條有酸忌廉魚子醬。對於呢個配搭覺得新鮮，蘿蔔絲清爽而燉蛋香甜，本身擔心會俾牛湯蓋過佢地。但正正呢個牛湯係充滿牛味得嚟唔油膩，所以食材間先可以互相配搭。麵包條沾上牛湯，更突出魚子醬嘅鮮味。長通粉口感Al dente，每一啖都充滿住忌廉汁，食到黑松露嘅濃郁香氣。香煎過嘅海爐魚肉質堅實得嚟有啲嫩。清甜醬汁更突出魚嘅
餐廳以洞穴設計為主題，燈光柔和，環境舒適愜意，令人置身於岩洞裡面。
見到餐牌寫住”Delicious food with heart and passion‘’，呢餐晚餐完完全全感受到餐廳對食材嘅執著同烹飪嘅認真。
伊比利亞火腿(48個月)
肉嘅比例比脂肪多，食落肉質結實，口感甘香油潤。
配上鮮甜嘅哈密瓜同無花果中和油香。
牛肉片配上由柚子醋製成嘅粒粒，加埋花生碎、醋、橄欖油等調味。呢到牛柳嘅部位嫩滑到極緻。油香入口即溶，肉嘅油香同所落嘅油醋份量恰到好處。食完一塊接一塊，係我暫時食過最高質嘅牛肉片。
法國煙鰻魚柳配上挪威三文魚。經過煙燻後嘅鰻魚，味道鮮美，魚油喺口入面慢慢溶化並散發出淡淡魚香。刁草蜜糖芥末同酸忌廉襯托令魚肉唔單調。
當侍應湯時已聞到濃郁嘅牛肉味。清湯附有燉蛋同蘿蔔絲，碗上嘅麵包條有酸忌廉魚子醬。對於呢個配搭覺得新鮮，蘿蔔絲清爽而燉蛋香甜，本身擔心會俾牛湯蓋過佢地。但正正呢個牛湯係充滿牛味得嚟唔油膩，所以食材間先可以互相配搭。麵包條沾上牛湯，更突出魚子醬嘅鮮味。
長通粉口感Al dente，每一啖都充滿住忌廉汁，食到黑松露嘅濃郁香氣。
香煎過嘅海爐魚肉質堅實得嚟有啲嫩。清甜醬汁更突出魚嘅鮮味。而配菜非常清甜，沾上醬汁更加鮮味。
Cocktail Aura口感細膩幼滑，飲後陣陣榛果杏仁留喺口腔入面。
Post
