兩草 (銅鑼灣道) (Closed)

有別於大坑普遍既餐廳 佢無亮麗既外表 內裡格局有如茶餐廳 但正正就係呢種平淡 忍左我地入黎試左佢地幾樣招牌 分別係蛋炒豬腸粉- 睇落最平平無奇 但係又出奇地好味 炒腸粉既醬汁偏甜 亦有少許蝦米仔係入面 提供口感  入面既炒蛋係精華 索晒啲醬汁 好正 香煎脆邊蛋肉餅飯- 超吸引既賣相 見到燶邊流心蛋 呢個飯又點會唔好食呀 肉餅都做得好好 肉汁保存不錯 好綿好軟 唔會硬崛崛小籠包胡椒湯- 小籠包屬於超厚皮嗰種 可能考慮到要浸係湯到一段時間 肉汁保持得好好 但建議盡量唔好將肉汁倒進湯內 兩樣味道唔夾 胡椒湯走比較清爽既路線 飲如唔會覺得喉嚨刺刺痛痛咁感覺到每樣都係食物都係用心出品 會想再黎