匠心廚房 (Closed)

出開尖沙咀去個friend公司附近，今日mood到想食中菜，問佢附近有咩好介紹，佢就叫我去佢”飯堂”試下~又真係掂喎~坐得好舒服，而且用個平啲嘅價錢，就食到啲名菜~🔹桂花瑤柱炒蟹肉 🔹 第一次食呢個餸~以為佢係普通蟹肉炒蛋，點知蟹肉鮮嫩，同桂花瑤柱嘅香氣完美融合~成道菜色澤金黃，啲炒蛋炒得好幼細，加埋芽菜口感豐富，好考功夫嘅餸~🔹匠心海鮮炒飯🔹材料有xo醬、帶子、鮮蝦、芥蘭同冬菇粒~帶子同蝦食得出鮮味~芥蘭同冬菇粒砌到好幼細，但又不失咬口，xo醬嘅辣香又釣起左成個炒飯嘅味道~結果我食左3碗……哈！🔹黃金脆豆腐🔹食到愛不釋口！豆腐外層炸至金黃酥脆~入面保持到柔軟嘅口感~外面沈左七味粉，配搭脆脆嘅炸粉，無得輸！🔹脆皮牛坑腩🔹坑腩應該慢煮過，保持到嫩滑咬口，唔會乾淨淨個皮都幾酥脆~點埋個鹹鹹酸酸辣辣嘅汁，無哂油膩咁，同超開胃！