彤粵菜小館 (Closed)

要搵到一間出色嘅中菜館，實在唔容易，今次呢間餐廳覺得食物質素幾唔錯，食得出每一款菜式都係有用心烹調。七味豆腐粒色澤金黃，炸完後的豆腐表層香脆，內裡嫩滑，真係大人細路都啱食。漁夫之寶採用自家秘製魚蛋彈牙又軟糯，飲埋魚湯汁都好鮮甜，超級正。草原風波係柚子汁配上牛展絲，牛展絲超爽口，口感一流，而柚子汁酸酸甜甜咁好fresh，真係會食到停唔到🤩鳳梨咕嚕肉最經典嘅粵菜之一，豬肉揸到外脆，而且內裏又有酸甜嘅醬汁，超有鑊氣又好有水準嘅必食菜式之一。