Video
Read full review
2019-10-23
47 views
第一次到戲曲中心，位置鬧中帶靜，之後又多一個休憩好地方了。同朋友路經搵食，見到哩間餐廳，裝修幾有懷舊氣息，就想試試。整體來講，食物質素係喜出望外，雖然只是傳統既燒味款式，卻吃出用心既烹調。加上店員親切有禮，係一間高質的燒味餐廳。熏蹄拼海蜇熏蹄都幾大塊，同唔會似出面果D會散開。最特別既係點醬，一般係用醋來點，哩度係用自家製既醬汁，當中食到有蒜香 ，混合酸酸既味道，又特別又開胃。燒鵝飯燒鵝應該係店既皇牌食物，真係好好味，真正皮脆肉嫩。而且一入口，係有一種柴薰既香氣，無係出面食過。咬落去肉汁同肉香充滿口中，幸福感滿滿。而且燒鵝分量都多，同埋大大件，鋪好係飯上面，完全感受到師傅對製作既認真。仲有一樣好重要既野，就係飯汁唔會太多。因為我好怕係出面食燒味飯，最後師傅淋大大勺燒味汁落去，浸滿飯，又鹹又油膩。飯汁分量剛好，啱曬著重健康既朋友。油雞飯油雞飯亦都唔會油膩，而且哩隻唔係肥雞，啱曬我口味，，唔會油膩。雞肉嫩滑，雞皮係有少少爽脆既感覺，好特別既質感。椰皇燉嫩雞必食 ！實在係太清甜了，佢係用2個椰皇水來燉既。好潤口好清甜，有被驚艷到。湯渣中係有椰子肉同雞肉等，我都食曬。哩個都係皇牌，難怪係墻上有自
同朋友路經搵食，見到哩間餐廳，裝修幾有懷舊氣息，就想試試。
整體來講，食物質素係喜出望外，雖然只是傳統既燒味款式，卻吃出用心既烹調。
加上店員親切有禮，係一間高質的燒味餐廳。
熏蹄拼海蜇熏蹄都幾大塊，同唔會似出面果D會散開。
最特別既係點醬，一般係用醋來點，哩度係用自家製既醬汁，當中食到有蒜香 ，混合酸酸既味道，又特別又開胃。
燒鵝飯燒鵝應該係店既皇牌食物，真係好好味，真正皮脆肉嫩。而且一入口，係有一種柴薰既香氣，無係出面食過。
咬落去肉汁同肉香充滿口中，幸福感滿滿。而且燒鵝分量都多，同埋大大件，鋪好係飯上面，完全感受到師傅對製作既認真。
仲有一樣好重要既野，就係飯汁唔會太多。因為我好怕係出面食燒味飯，最後師傅淋大大勺燒味汁落去，浸滿飯，又鹹又油膩。飯汁分量剛好，啱曬著重健康既朋友。
油雞飯油雞飯亦都唔會油膩，而且哩隻唔係肥雞，啱曬我口味，，唔會油膩。
雞肉嫩滑，雞皮係有少少爽脆既感覺，好特別既質感。
椰皇燉嫩雞必食 ！實在係太清甜了，佢係用2個椰皇水來燉既。好潤口好清甜，有被驚艷到。湯渣中係有椰子肉同雞肉等，我都食曬。
哩個都係皇牌，難怪係墻上有自己既海報，確實好出色。
椰菜瑤柱海皇湯朋友點左哩個湯，佢話幾足料，當中有多款海味，好似瑤柱、章魚、蝦乾、蠔豉咁。
油菜心菜心都大條同唔會好油，耗油都係自己按口味落既。
感覺上餐廳比較注重健康既細節，是否用心就體係細節上了。
港式奶茶原樽奶茶，無係當中加冰，原汁原味，唔會俾冰溝淡，讚~
外賣湯杯：因為朋友飲唔曬，店員提議不如俾我地拎走。杯既設計實在係好可愛，好似拎住杯咖啡咁。而且手抽住，又好方便，隨時都可以飲~
餐廳充滿懷舊風味，墻上面既手繪畫，同海報，將人帶入往日香港既感覺。
餐廳既另一邊，設計都好特別，其中一面墻上，遠看發現竟然係巨型算盤，好有玩味。走既時候，發現門口既拉閘，竟然係鏤空出“鼎尚棋哥”既名，真係佩服了，留意細節至此，只可以話棋哥，好野！
Post
